आउनुस बौद्ध घुमौँ !

बोलीचालीको भाषामा बौद्ध वा ‘बौद’ समेत भनिने बुद्धधर्मसँग सम्बन्धित प्रसिद्ध स्तूप बौद्धनाथ काठमाण्डौको पूर्वतर्फ रहेको छ । घरबाट करिव ३-४ किलोमिटरको दूरी मात्रै रहरेपनि युनेस्को विश्व सम्पदा क्षेत्रमा पर्ने काठमाण्डौका केही पवित्र स्थलमध्येको यो स्तूपमा पुग्न संजोग पर्नु पर्छ ।

पाँचौ शताब्दी अर्थात् लिच्छविकालमा निर्माण गरिएको मानिने र निर्माणक्रम १२ वर्षसम्म चलेको बताइने यो विश्व प्रसिद्ध स्तुप र क्षेत्र बौध्दमार्गीहरूको लागि त तीर्थस्थल नै हो।

यस स्तूपमा बौद्ध परम्परा अनुसार निर्माण प्रक्रिया सकि ‘राप्ने’ (प्राणप्रतिष्ठा) गर्दा स्वर्गबाट बोधिसत्वको किरण सुङमा पसेको र आकाशमा पनि बाजा बजेको थियो भन्ने जस्ता एकदमै कौतूहलपूर्ण र आश्चर्य जनक किंवदन्ती पनि प्रचलित छन यस स्तूपका बारेमा ।

यो स्तूप र क्षेत्रको बारेमा अरू जानकारी विकिपीडिया र अन्त पनि प्रशस्त पाइन्छ । आजलाई भने यस प्रसिद्ध स्तूप र वरिपरिका केही तस्विरहरू:

(फोटोलाई ठूलो पारेर हेर्न कुनैपनि फोटोमा क्लिक गर्नुहोला। फोटो स्वत: ठूलो आकारमा अर्कै पेजमा खुल्नेछ )

(सौम्य, शान्त त शीतल—गज्जबको आकर्षण छ यो स्तूपमा)

(झन् बौद्ध ग्रन्थ र मन्त्रहरू छापिएका यी रङ्गीचङ्गी ध्वजापताकाले सुन्दरतामा अर्कै रङ्ग भर्छ)

(दक्षिण-पूर्वी कुनाका अरू केही स्तूपहरू समेतको एक झलक)

(चार हात खुट्टा टेकेर मन्दिर परिक्रमा गर्दै एक भक्त)

(उत्तर-पूर्वी कुनामा रहेको यो बिसाल घन्ट पनि आकर्षणको केन्द्र बन्ने गरेको छ)

(सेवा पनि व्यापार पनि—परेवालाई दिइने अन्न बेच्दै एक व्यापारी (इन्सेकमा ती अन्नहरू)

(एउटा कुनाको रूखमुनि ध्यानस्त एक साधक)

विश्वमा शान्ति फैलि रहोस् !!!